• Hyundai Motor-ийн City Pod болон Urban Pod концепцууд Автоматжуулалтын ангилалд "Best of the Best" шагнал хүртлээ
• Nano Mobility концепц нь Хувийн хэрэглээний тээврийн хэрэгсэл болон унадаг дугуйн ангилалд, харин E3W ба E4W концепцууд Худалдааны тээврийн ангилалд “Winner” шагнал хүртэв
• Robotics LAB-ийн Автомат Цэнэглэгч Робот (ACR) үйлчилгээ нь Үйлчилгээний дизайн ангилалд ялалт байгууллаа
СӨҮЛ, 2025 оны 7-р сарын 21 – Hyundai Motor Company болон Hyundai Motor Group -ийн Robotics LAB нь Red Dot Award: Design Concept 2025 тэмцээнд олон ангилалд амжилт гаргаж, нэр хүндтэй шагналуудыг хүртлээ.
City Pod ба Urban Pod – Автоматжуулалтын ангилалд "Best of the Best" шагналын эзэд
Hyundai Motor-ийн City Pod болон Urban Pod концепцууд нь Автоматжуулалт ангилалд “Best of the Best” буюу хамгийн дээд шагналыг хүртсэн байна.
City Pod нь программ хангамжийн дэвшилтэт технологид суурилсан, устөрөгчөөр ажилладаг, логистикийн автомат ангилагч систем бүхий том оврын автоном тээврийн хэрэгсэл юм. Логистик, нийтийн тээвэр, үйлдвэрийн түүхий эд, хог хаягдал тээвэрлэлтийн зэрэг олон зориулалтаар ашиглах боломжтой.
Urban Pod (U-POD) нь жолоочгүй платформ дээр суурилсан олон зориулалттай цахилгаан тээврийн хэрэгсэл бөгөөд ухаалаг хотуудын хүрээнд, жишээлбэл, digital twin систем, сүүлийн нэг км хүргэлтийн шийдлүүдэд ашиглагдах боломжтой.
Эдгээр шийдлүүд нь технологийн дэвшилд суурилсан, тогтвортой, ирээдүйн ухаалаг хотуудын хөгжлийг хурдасгахад чухал хувь нэмэр оруулна.
Nano Mobility, E3W ба E4W концепцууд “Winner” шагнал хүртэв.
Nano Mobility концепц нь Хувийн хэрэглээний тээврийн хэрэгсэл ба унадаг дугуйны ангилалд “Winner” шагнал хүртсэн. Энэхүү хялбар бүтэцтэй, дугуйн дотор суурилсан мотор бүхий шийдэл нь автоном жолоодлоготой хослон, хүргэлтийн платформ, флотын менежмент системтэй (FMS) уялдуулан ажилладаг.
E3W ба E4W нь Худалдааны тээврийн ангилалд ялалт байгуулж, Энэтхэгийн уламжлалт мотор рикшаг орчин үеийн олон зориулалттай цахилгаан тээврийн хэрэгсэл болгон дахин загварчилсан. Хүмүүсийн тээвэр, логистик, яаралтай тусламжид ашиглаж болно.
Robotics LAB – ACR үйлчилгээгээрээ ялалт байгууллаа
Hyundai Group-ийн Robotics LAB нь Үйлчилгээний дизайн ангилалд Автомат Цэнэглэгч Робот (ACR) үйлчилгээнийхээ ачаар “Winner” шагнал хүртэв. Энэхүү хиймэл оюун ухаанд суурилсан систем нь EV автомашины цэнэглэгч портыг автоматаар илрүүлэн, цэнэглэлтийг эхлүүлдэг.
• Автомашин дотроос эсвэл гар утсаар дамжуулан бүх процессыг хянах боломжтой
• IP65 хамгаалалттай тул гадаа орчинд найдвартай ажиллана
• Гар аргаар, робот эсвэл автономоор зогсоосон машинд цэнэглэлт хийх боломжтой
Red Dot Award гэж юу вэ?
Red Dot Award бол Герман улсын Design Zentrum Nordrhein Westfalen байгууллагын зохион байгуулдаг, дэлхийн хамгийн нэр хүндтэй гурван дизайн шагналын нэг юм. Энэхүү шагнал нь Бүтээгдэхүүний дизайн, Брэнд ба харилцаа холбооны дизайн, Дизайны концепц зэрэг олон чиглэлд шилдгүүдийг тодруулдаг.
“Best of the Best” нь тухайн салбарт шинэ жишиг тогтоосон хамгийн онцгой бүтээлүүдэд олгогддог дээд шагнал
.jpg)
“Winner” нь өндөр чанартай, гайхалтай дизайны шийдлүүдийг үнэлсэн шагнал
