Hyundai Motor Group автомашины салбарын нэр хүндтэй J.D. Power 2026 U.S. Initial Quality Study (IQS) судалгаанд бүтээгдэхүүний чанараараа өндөр үнэлгээ авч, өөрийн ангилалдаа хамгийн бага асуудал бүртгүүлсэн автомашинуудаараа нийт таван сегментийн шагнал хүртлээ.
Мөн тус группийн 12 загвар өөрсдийн сегментэд эхний гуравт шалгарсан нь автомашин үйлдвэрлэгч бүх группүүдээс хамгийн өндөр үзүүлэлт болсон бөгөөд төрөл бүрийн автомашины ангилалд чанарын тэргүүлэгч гэдгээ дахин баталлаа.
Hyundai Motor Group-ийн төлөөлөгч:
"J.D. Power 2026 U.S. Initial Quality Study судалгаанд үзүүлсэн энэхүү амжилт нь бүтээгдэхүүний чанарыг эрхэмлэдэг бидний тууштай бодлогын үр дүн юм. Таван сегментийн шагнал хүртэж, мөн Genesis брэнд нийт брэндүүдийн үнэлгээнд хоёрдугаар байрт шалгарсан нь манай дэлхийн хэмжээний чанарын удирдлагын тогтолцоо болон хэрэглэгчдийн эхний өдрөөсөө итгэлтэй ашиглах автомашин бүтээж буйг харуулж байна" хэмээн онцоллоо.
Hyundai Motor Group 2026 оны IQS судалгаанд ямар амжилт үзүүлэв?
Hyundai Motor Group энэ жилийн судалгаанд хамгийн өндөр амжилтуудынхаа нэгийг үзүүлж, таван сегментийн шагнал хүртэн, 12 загвар нь өөр өөрийн сегментэд эхний гуравт шалгарлаа. Энэ нь автомашин үйлдвэрлэгч бүх группүүдийн дундаас хамгийн өндөр үзүүлэлт болсон байна.
Мөн үйлдвэрлэлийн чанарыг нь өндрөөр үнэлж, Мексикийн Нуэво-Леон муж дахь Kia Mexico үйлдвэрийн угсралтын үйлдвэр Америк тивийн Gold Plant Quality Award шагналыг хүртжээ.
Үүнээс гадна Genesis брэнд нийт брэндүүдийн чанарын үнэлгээнд хоёрдугаар байрт шалгарсан нь өмнөх оны есдүгээр байрнаас мэдэгдэхүйц ахиц гаргасан үзүүлэлт боллоо.
Hyundai Motor ямар амжилт үзүүлэв?
Hyundai Motor-ийн SANTA CRUZ, SONATA, VENUE гэсэн гурван загвар өөрсдийн сегментэд хамгийн өндөр үнэлгээ авч тэргүүлжээ.
SANTA CRUZ – Дунд оврын пикап сегментэд гурав дахь жилдээ дараалан нэгдүгээр байр эзэллээ.
SONATA – Дунд оврын суудлын автомашины сегментэд тэргүүлэв.
VENUE – Жижиг SUV сегментэд нэгдүгээр байрт шалгарлаа.
Мөн KONA болон ELANTRA загварууд өөрсдийн сегментэд хоёрдугаар байрт шалгарсан нь Hyundai-ийн бүтээгдэхүүний өргөн сонголт, тогтвортой чанарыг харуулж байна.
Hyundai Motor сүүлийн гурван жил дараалан салбарын дундаж үзүүлэлтээс өндөр үнэлгээ авч, ихэнх загварынхаа чанарыг тогтвортой сайжруулжээ.
Түүнчлэн мэдээлэл, зугаа цэнгэлийн infotainment системийн үзүүлэлтээр онцгой сайн үр дүн үзүүлсэн нь хэрэглэгчдэд илүү чанартай ашиглалтын туршлага хүргэхэд анхаарч ажиллаж байгааг илэрхийлж байна.
Genesis ямар амжилт үзүүлэв?
Genesis брэнд нийт брэндүүдийн чанарын үнэлгээнд хоёрдугаар байрт шалгарч, 2025 онд эзэлж байсан есдүгээр байрнаас мэдэгдэхүйц ахиц гаргалаа.
Мөн дээд зэрэглэлийн автомашины брэндүүдийн ангилалд хоёрдугаар байр эзэлж, энэ ангиллын салбарын дундаж үзүүлэлтээс давсан амжилтыг үзүүлжээ.
Энэхүү ахиц нь Genesis-ийн үндсэн загваруудын чанар сайжирсантай холбоотой бөгөөд ялангуяа GV70 болон GV80 загварууд онцгой үр дүн үзүүлсэн байна.
GV70 загвар нь мэдээлэл, зугаа цэнгэлийн систем болон удирдлага, дэлгэцийн (Features, Controls and Displays) үзүүлэлтүүдээ мэдэгдэхүйц сайжруулсан бол GV80 нь чанарын олон ангилалд бүртгэгдэх асуудлын тоог бууруулжээ.
Мөн G70, G80, GV80 загварууд өөрсдийн сегментэд эхний гуравт шалгарсан нь Genesis брэндийн нарийн хийц, инженерчлэлийн өндөр түвшин болон автомашин эзэмшигчдийн эхний 90 хоногийн хэрэглээний сэтгэл ханамжийг илэрхийлж байна.
Kia ямар амжилт үзүүлэв?
Kia энэ жилийн судалгаанд хоёр сегментийн шагнал хүртсэн бөгөөд Carnival загвар минивэн сегментэд, K4 загвар компакт суудлын автомашины сегментэд хамгийн өндөр үнэлгээ авч тэргүүллээ.
Мөн K5 загвар дунд оврын суудлын автомашины сегментэд, Sorento загвар дээд ангиллын дунд оврын SUV сегментэд тус тус эхний гуравт шалгарсан байна.
Автомашины чанараас гадна Kia компанийн үйлдвэрлэлийн чанарыг мөн өндрөөр үнэлжээ. Мексикийн Нуэво-Леон дахь Kia үйлдвэрийн угсралтын үйлдвэр тухайн бүс нутгийн хамгийн бага согог, гэмтэлтэй үйлдвэрлэлээр шалгарч, Америк тивийн Gold Plant Quality Award шагналыг хүртсэн байна.
Энэ нь Hyundai Motor Group-ийн үйлдвэрлэлийн байгууламжаас анх удаа энэхүү нэр хүндтэй шагналыг хүртэж буй тохиолдол бөгөөд группийн үйлдвэрлэлийн чанарт баримталдаг өндөр стандартыг дахин баталж байна.
