• Уран бүтээлч Tavares Strachan-ы Лос Анжелес хот дахь анхны томоохон музейн үзэсгэлэн нь Hyundai Motor болон LACMA-гийн урт хугацааны түншлэлийн хүрээнд зохион байгуулагдаж байна.
• Энэхүү олон мэдрэхүйд нөлөөлөх үзэсгэлэн нь уран бүтээлчийн үл тоомсорлогдсон түүхүүдийг шинээр нээн харуулах сэдлээр бүтээгдсэн, 20 гаруй шинэ уран бүтээлийг танилцуулна.
• “Tavares Strachan: The Day Tomorrow Began” нь 2015 оноос эхэлсэн Hyundai Motor болон LACMA-гийн хамтарсан The Hyundai Project-ийн нэг хэсэг юм.
СӨҮЛ / ЛОС АНЖЕЛЕС, 2025 оны 8-р сарын 12 – Hyundai Motor Company болон Лос Анжелес дүүргийн Урлагийн музей (LACMA) нь уран бүтээлч Tavares Strachan-ы “The Day Tomorrow Began” үзэсгэлэнг албан ёсоор зарлалаа. Энэхүү үзэсгэлэн нь Hyundai Motor болон LACMA-гийн тасралтгүй хамтын ажиллагааны нэг хэсэг бөгөөд 2025 оны 10-р сарын 12-ноос 2026 оны 3-р сарын 29-ныг хүртэл LACMA-д нээлттэй байна.
Энэхүү үзэсгэлэн нь Tavares Strachan-ы Лос Анжелес дахь анхны томоохон музейн уран бүтээлийн үзэсгэлэн бөгөөд түүний хамгийн том неон бүтээл, мөн хамгийн томоохон баримлуудын нэгийг багтаасан 20 гаруй шинэ уран бүтээлийг танилцуулна. Энэ нь, ялангуяа хар арьстнуудын диаспортой холбоотойгоор үндсэн түүхийн сэдвүүдэд үл үзэгдэх мэт үлдсэн түүхүүдийг гүнзгий судалсан уран бүтээлчийн бүтээлүүдийг онцолж байна.
Уран баримал, уран зураг, текст, хөгжмийг хослуулсан “The Day Tomorrow Began” үзэсгэлэн нь үзэгчдийг ер бусын өдөр тутмын орчноос эхлээд хийсвэр ертөнц хүртэлх өвөрмөц орон зайд хүргэнэ. Эдгээр мэдрэмжтэй уран сайхны орчинд Strachan үзэгчдийг түүхийг хэрхэн дүрслэн өгүүлдэг тухайгаа эргэн бодож, хамгийн гол нь ямар түүхийг бид онцолж дээдэлдэг талаар дахин тунгаахыг уриалж байна.
“The Hyundai Project at LACMA нь уран бүтээлчдийг уламжлалт хил хязгаарыг даван ажиллахад дэмжиж ирсэн. LACMA-тай хамтран Tavares Strachan-ы бүтээлч аяллын нэг хэсэг болж, түүний бүтээлээр дамжуулан олон талт үзэл санаа, хүртээмж, өөрчлөлтийн чадамжийг эргэцүүлэх боломж олгож байгаадаа бид баяртай байна” гэж Hyundai Motor Company-гийн Урлагийн захирал DooEun Choi хэллээ.
“Tavares бол өнөөдөр хамгийн шинэлэг, туршилтлаг уран бүтээлчдийн нэг. “The Day Tomorrow Began” нь байгууллагууд хар арьстнуудын диаспорын түүхийг хэрхэн харьцаж ирсэн талаар дахин эргэцүүлж, шинэ үзэл санаа, өнцгүүдийг гаргаж ирдэг. Hyundai Motor Company-ийн орчин үеийн уран бүтээлчид болон LACMA-д үзүүлж буй тууштай дэмжлэг нь арав гаруй жил үргэлжилсэн утга учиртай хамтын ажиллагаанд хүргэсэн” гэж LACMA-ийн Гүйцэтгэх захирал, Wallis Annenberg захирал Michael Govan онцлов.
“Энэхүү үзэсгэлэн нь үзэгчдэд Tavares-ы бүтээлийг тодорхойлдог олон талт үзэл санаа, хосолмол арга барилыг харах боломж олгохын зэрэгцээ түүний бүтээл туурвих ур чадвар, ертөнц бүтээх чадамжийг мэдрэх боломжийг олгож байна” гэж LACMA-ийн Орчин үеийн урлагийн куратор Diana Nawi хэлэв.
“The Day Tomorrow Began” үзэсгэлэн нь үсчний газар, угаалгын газар, Indian-Rice Grass талбай зэрэг долоон танхимд янз бүрийн орон зайг бий болгоно. Encyclopedia of Invisibility (2018) нь уран бүтээлчийн Britannica нэвтэрхий тольд өөрийн бүтээлч хандлагаар хийсэн хувилбар бөгөөд 2,000 гаруй хуудас, 17,000-аас дээш зүйл мэдээлэлтэй. Энэ нь гол урсгалын түүхийн сэдвүүдэд “үл үзэгдэгч” болсон хүмүүс, газрууд, үйл явдал, түүхүүдийг өгүүлдэг.
ENOCH (2018) болон Robert (2018) бүтээлүүд нь уран бүтээлчийн сансар судлалын урт хугацааны сонирхлыг илэрхийлдэг бөгөөд ялангуяа АНУ-ын анхны хар арьст сансрын нисгэгч Robert Henry Lawrence Jr.-ийн түүхийг өгүүлдэг. ENOCH нь сансрын нисгэгчийн хөрөг бүхий канопын сав бөгөөд LACMA-гийн Hyundai Motor-оор дэмжигдсэн Art + Technology Lab-ын хүрээнд SpaceX-тэй хамтран бүтээж, дэлхийн тойрог замд хөөргөжээ.
Шинэ хүрэл баримлын цуглуулга нь олон нийтийн хөшөө дурсгалын хэлбэр, үүргийг хөндөж, бид хэнийг дурсгалд мөнхлөхөө төдийгүй ганц хүнийг онцлох хандлагыг ч мөн шүүмжилдэг. Үүнд LACMA-гийн танхимд зориулан бүтээсэн 16.5 фут (5 метр)-ийн өндөртэй Flip Monument (Christophe x Napoleon) (2025) том хэмжээний давирхайн бүтээл багтаж байна.
Tavares Strachan: The Day Tomorrow Began нь 2015 оноос эхэлсэн Hyundai Motor болон LACMA-гийн хамтарсан The Hyundai Project-ийн нэг хэсэг бөгөөд энэ нь LACMA-ийн түүхэнд корпорацийн зүгээс хийгдсэн хамгийн урт хугацааны, хамгийн том хэмжээний дэмжлэг юм. Энэхүү түншлэл нь уран бүтээлийг үзэх, ойлгох, мэдрэх шинэ арга замыг бий болгох зорилготой бөгөөд Урлаг + Технологи болон Солонгосын урлаг судлалын чиглэлээр чухал ахиц гаргахад тусалж байна.
.jpg)
.jpg)
.jpg)
.jpg)
Энэхүү үзэсгэлэнг LACMA-ийн Орчин үеийн урлагийн куратор Diana Nawi удирдан, Columbus Museum of Art-тай хамтран зохион байгуулжээ.
???? Tavares Strachan: The Day Tomorrow Began
???? 2025 оны 10-р сарын 12 – 2026 оны 3-р сарын 29
???? LACMA, BCAM Level 2
???? Hyundai Motor Company ивээн тэтгэж байна
