• Хьюндай Мотор Групп нь 2025 оны APEC-ийн сайд нарын удахгүй болох уулзалтуудад зориулан албан ёсны тээврийн хэрэгсэл нийлүүлэхээр БНСУ-ын Худалдаа, аж үйлдвэрийн яамтай гэрээ байгууллаа
• Hyundai Motor, Kia, Genesis брэндүүд нийт 63 ширхэг цахилгаанжсан автомашин нийлүүлэх ба үүнд шинэ Hyundai NEXO устөрөгчийн FCEV, Kia EV9 SUV, Genesis Electrified G80 седан болон Hyundai Universe FCEV автобус багтжээ
• Тус автомашинууд нь 2025 оны 8-р сард Бусан хотод болох эрчим хүчний дээд хэмжээний уулзалтыг дэмжин ажиллах бөгөөд энэхүү арга хэмжээнд БНСУ-ын сайд нар болон олон улсын нэр хүндтэй төлөөлөгчид оролцоно
2025 оны 7-р сарын 22, СӨҮЛ – Hyundai Motor Group (цаашид “Групп” гэх) нь энэ 8-р сард Бусан хотод болох дараах гурван томоохон олон улсын эрчим хүчний сайд нарын уулзалтын албан ёсны тээврийн хэрэгслээр хангах болно. Үүнд:
-APEC-ийн Эрчим Хүчний 15 дахь Сайд нарын уулзалт
-Цэвэр Эрчим Хүчний 16 дахь Сайд нарын уулзалт
-Mission Innovation-ын 10 дахь Сайд нарын уулзалт багтана
Групп нь нийт 63 ширхэг автомашин нийлүүлэх ба эдгээр нь устөрөгчийн түлшээр ажилладаг цахилгаан автомашин (FCEV) болон цэвэр цахилгаан автомашин (EV) юм. Үүнд:
-34 ширхэг цоо шинэ Hyundai NEXO устөрөгчийн SUV
-12 ширхэг Genesis Electrified G80 седан
-14 ширхэг Kia EV9 SUV
-3 ширхэг Hyundai Universe устөрөгчийн автобус багтана
Эдгээр тээврийн хэрэгсэл нь дээд хэмжээний уулзалтын үеэр төлөөлөгчдийг тээвэрлэх болон арга хэмжээний үйл ажиллагааг дэмжих зорилготой.
"Бид ийм томоохон олон улсын эрчим хүчний форумд өөрсдийн устөрөгч болон цахилгаан тээврийн хэрэгслээр дэмжлэг үзүүлж байгаадаа нэр төрийн хэрэг гэж үзэж байна" хэмээн Hyundai Motor Group-ийн Стратегийн бодлогын хэлтсийн дэд ерөнхийлөгч Ким Дон Үк онцоллоо. "Дэлхийн эрчим хүчний ирээдүйг хэлэлцэх энэ талбарт бид өөрсдийн тогтвортой хөгжил болон шинэлэг шийдлүүдийг танилцуулна гэдэгт итгэлтэй байна."
APEC-ийн Эрчим Хүчний Сайд нарын уулзалт нь 8-р сарын 27-28-ны хооронд Бусан хотод болох ба тус уулзалтад 21 орны төлөөлөгчид оролцож, цахилгаан дамжуулах сүлжээний дэд бүтэц, эрчим хүчний аюулгүй байдал, тогтвортой хангалт болон хиймэл оюун ухаанаар дэмжигдсэн эрчим хүчний инноваци зэрэг чухал сэдвүүдийг хэлэлцэнэ.
Цэвэр Эрчим Хүч болон Mission Innovation сайд нарын хамтарсан уулзалтууд 8-р сарын 25-27-ны хооронд Бусан хотын BEXCO төвд зохион байгуулагдана. Эдгээрт нийт 31 орны төлөөлөгч оролцож, цэвэр эрчим хүчний шилжилт, устөрөгч ба ирээдүйн түлш, хиймэл оюунд суурилсан эрчим хүчний шийдлүүд, нүүрстөрөгчийг бууруулах технологийн талаар хэлэлцэх юм.
Нийтдээ эдгээр арга хэмжээнд 40 гаруй орны эрчим хүчний сайд, төрийн төлөөлөгчид болон олон улсын байгууллагын гол оролцогчид оролцоно.
Эдгээр тээврийн хэрэгслийг нийлүүлснээр Групп нь өөрсдийн цахилгаанжсан автомашинуудын хүчин чадлыг олон нийтэд харуулж, тогтвортой ирээдүйн төлөөх амлалт, хариуцлагаа бататгаж байна.
Энэхүү арга хэмжээнд албан ёсны гол тээврийн хэрэгсэл болох Hyundai NEXO нь Группийн устөрөгчийн салбар дахь манлайллыг илтгэж, ногоон хөдөлгөөний талаарх алсын харааг харуулна. Шинэ үеийн NEXO нь сайжруулсан дизайн, нэг цэнэглэлтээр 720 км явах чадвар, 150 кВт өндөр үр ашигтай мотор, аюулгүй байдал болон тав тухын шилдэг шийдлүүдтэйгээр онцлог.
Цоо шинэ NEXO-г нийлүүлснээр Групп нь дэлхий дахинд устөрөгчөөр ажилладаг автомашины талаарх ойлголтыг нэмэгдүүлж, өөрийн байр суурийг улам бэхжүүлэх зорилготой.
Hyundai Motor Group нь өмнө нь мөн ASEAN-ийн 43 дахь дээд хэмжээний уулзалт болон G20 Балигийн дээд хэмжээний уулзалтад байгальд ээлтэй тээврийн хэрэгсэл нийлүүлж байсан туршлагатай бөгөөд энэ нь олон улсын тавцанд тогтвортой хөдөлгөөний чиглэлд оруулж буй хувь нэмрийг илтгэнэ.
