• Autocar сэтгүүл Hyundai-ийн анхны өндөр гүйцэтгэлтэй цахилгаан машиныг цахилгаан жолоодлогын шинэ мэдрэмжийг тодорхойлж буй хэмээн үнэлэв
• IONIQ 5 N загвар нь жолоодлогын динамик чадвар, шинэлэг шийдэл, өдөр тутмын хэрэглээний тохиромжтой байдлаараа онцгойров
• Энэхүү нэр хүндтэй шагнал нь IONIQ 5 N-г Autocar-ын сорилтод хамгийн өндөр үнэлгээ авсан цөөн хэдэн автомашины нэг болгож байна
LEATHERHEAD/СӨҮЛ, 2025 оны 6-р сарын 25 – Hyundai Motor компанийн анхны өндөр гүйцэтгэлтэй цахилгаан автомашин болох IONIQ 5 N нь дэлхийд нэр хүндтэй автомашины сэтгүүл Autocar-аас "Таван Одтой Автомашин" хэмээх нэр хүндтэй шагналыг хүртлээ. Энэ шагнал нь тус загварыг гүйцэтгэл, шинэлэг байдал, өдөр тутмын хэрэглээнд тохирох чанараараа шинэ түвшинд хүрсэн цөөн хэдэн автомашины нэг болгож буй хэрэг юм.
Autocar нь автомашины замын туршилтын үнэлгээ-г бараг зуун жилийн турш хийж ирсэн бөгөөд “Таван Одтой Автомашин” шагналыг бүх төрлийн шалгуурт өндөр оноо авсан автомашинуудад олгодог. 2025 онд зөвхөн гурван автомашин энэхүү хүндэтгэлийг хүртсэн бөгөөд тэдний нэг нь IONIQ 5 N байв.
IONIQ 5 N нь Autocar-аас энэхүү шагналыг хүртсэн Hyundai-ийн анхны загвар юм. Autocar-ын замын туршилтын баг тус автомашиныг шинэлэг технологи, хурд хүч, жолоодлогын мэдрэмжтэй уялдаа холбоо сайтай байдал зэргийг нь өндрөөр үнэлжээ. Тэд энэхүү машиныг "тоглоомын дүрмийг өөрчилсөн загвар", "гайхалтай хөгжилтэй бөгөөд ямар ч нөхцөлд гүйцэтгэлээрээ ялгарна" хэмээн тодорхойлсон байна.
IONIQ 5 N нь "N Grin Boost" горим идэвхжсэн үед 641 морины хүчтэй хоёр мотороор тоноглогдсон бөгөөд 0–100 км/ц хурдыг ердөө 3.4 секундэд авдаг. Autocar нь зөвхөн хурд бус, "N e-Shift" гэх системийн тусламжтайгаар дотоод шаталтат хөдөлгүүрийн араа шилжилт, хөдөлгүүрийн тоормослох мэдрэмжийг хийсвэр байдлаар сэргээж, жолоочид илүү биеэр мэдрэгдэх, сэтгэл хөдөлгөм туршлага өгдөг хэмээн онцолсон.
Autocar-ын эрхлэгч Марк Тисшоу хэлэхдээ:
“Жинхэнэ утгаараа шинэ эрин үеийг авчирсан автомашинууд ховор байдаг. Гэхдээ IONIQ 5 N бол яг л тэр ховорхон ‘тоглоомын өөрчлөгч’. Цахилгаан жолоодлогын шинэ эрин ийнхүү албан ёсоор ирлээ. Энэхүү автомашин нь бидний үнэлгээний системд бүрэн таван од авах эрхтэй байлаа.”
IONIQ 5 N нь Hyundai-ийн "N" спорт загварын анхны цэвэр цахилгаан автомашин бөгөөд жолоодлогын жинхэнэ мэдрэмжийг цахилгаан эрин үед хадгалах зорилготой бүтээгдсэн. E-GMP платформ дээр суурилсан энэхүү загвар нь тэмцээний стандартын дулаан удирдлагын систем, сэргээлтийн тоормосны технологи, өндөр гүйцэтгэлтэй хяналтын программ хангамж-аар тоноглогджээ. Зайтай салон, V2L (тэжээл гаргах боломж), дэвшилтэт холболтын систем нь энэ загварыг өндөр гүйцэтгэлтэй цахилгаан машины шинэ тодорхойлолт болгож байна.
.jpg)
Hyundai ба Genesis UK-ийн ерөнхийлөгч Эшли Эндрю хэлэхдээ:
“IONIQ 5 N нь Hyundai брэндийн технологийн тэргүүлэгч байдлыг харуулсан, хэрэглэгчийн хандлагыг өөрчилж чадсан автомашин юм. Түүний гайхалтай гүйцэтгэл, нарийн тэнцвэртэй жолоодлого, сэтгэл хөдөлгөм мэдрэмжийг Autocar-ын "Таван Одтой" үнэлгээ дахин баталж байна.”
